Ҳамкасбони муҳтарам!
Раёсати Донишкадаи кӯҳӣ-металлургии Тоҷикистон тибқи нақшаи баргузории чорабиниҳои илмӣ ва илмию техникӣ дар Ҷумҳурии Тоҷикистон барои соли 2019 (Қарори Ҳукумати Ҷумҳурии Тоҷикистон аз 01.03.2019 №79) санаи 19 – уми октябри соли 2019 Конференсияи ҷумҳуриявии илмӣ-назариявиро таҳти унвони “Масъалаҳои рушди илм дар мактаби олӣ” баргузор мегардад, даъват менамояд.
Қабули мақолаву фишурдаҳо мувофики самтҳои зерин ба роҳ монда мешаванд:
- Сиёсати давлатии илм, омодасозии кадрҳои илмӣ-педагогӣ, самҳои афзалиятноки илм ва ихтироъкориву навоварӣ-дастовардҳои даврони истиқлолият;
- Мушкилоти банақшагирии корҳои илмӣ тадқиқотӣ ва иҷроиши он;
- Мушкилоти омодасозии кадрҳои илмӣ-педагогӣ дар зинаҳои магистратура, докторантура ва равиши вижаи унвонҷӯӣ;
- Мушкилоти дастрасӣ ба иттилоот – манбаҳои муътамади ахбори таҳқиқотӣ;
- Мушкилоти дастрасӣ ба лаборатория ва коргоҳҳои ташхиси маводҳо;
- Масъалаҳои табъу нашри маводҳои илмӣ;
- Масъалаҳои татбиқи дастовардҳои илмӣ дар истеҳсолот;
- Ҳифзи моликияти зеҳнӣ;
- Дурнамои ҳалли мушкилоти самтҳои афзалиятноки илмӣ;
- Масъалаҳои иштирок ва дарёфти грант ва лоиҳаҳои фаромиллӣ;
- Масъалаҳои баргузорсозии чорабиниҳои илмӣ, семинар, конфронс, симпозиум ва амсоли он;
- Масъалаҳои марбути рейтинги олимон ва муҳаққиқони кишвар;
Забони кори конфронс – тоҷикӣ ва русӣ
Мақола бояд бори аввал нашр ва ироа гардад.
Тибқи талаботи меъёрҳои нигориши мақолаҳо дар ҳаҷми то 10 саҳифа дар формати А4 мавод ба почтаи samoan@mail.ru то санаи 10-уми октябри соли 2019 пешниҳод карда шавад.