Энергомеханика

ФАКУЛТЕТИ ЭЛЕКТРОМЕХАНИКА

 Декани факултет: : Эгамов Мухтор Хасанович

Таҳсил: Факултети  физикаи Донишгоҳи Донишгоҳи Миллии Тоҷикистон, 1982-86

Дараҷаи илмӣ: номзади илмҳои физика-математика, дотсент

 Донистани забонҳои хориҷӣ:

 Тел: +992-93-983-93-53

 E-mail: egamov62@mail.ru

 Суроғаи корӣ: Бинои асосӣ, утоқи № 111

 

 

 

Таърихи ташкилёбии факултет

Факултети электромеханика соли 2003 дар таркиби коллеҷи куҳӣ-металлургии Тоҷикистон кушода шуда, дар соли 2006 аввалин мутахассисонро дар самти коркарди корҳои кӯҳӣ ба истеҳсолот равон сохт. Дар рушди минбаъдаи факултет саҳми деканҳо: Холов Абдугаффор Сафарович (солҳои 2003-2005) ва Абдуллоев Икром Рабиевич (солҳои 2005-2006) басо калон аст. Аз санаи 02.09.2007 дар заминаи Донишкадаи нав ташкил шудаи кӯҳӣ-металлургии Тоҷикистон факултети электромеханика фаъолияти минбаъдаи худро вусъат дода, бар таркибаш кафедраҳои зеринро муттаҳид сохт: технологияи мошинсозӣ (мудири кафедра-н.и.т. Мирзомидинов И.М.); энергомеханика (мудири кафедра – н. и. ф.-м. Кодиров А.); коркард ва иктишофи истифодабарии конҳои нафту газӣ (мудири кафедра, д.и.т., профессор Розиков З.А.) ва математикаи олӣ ва  информатика (мудири кафедра – омӯзгори калон Зиемидинов Б.М.). Аз 19.11.2007 то 14.04.2009 факултетро н.и.т. Мирзомидинов И.М. идора кард, сипас, дар давраи солҳои 2009-2010 ба факултет н.и.т, профессор Умарҷнов Абдусафо ҳамчун декан роҳбарӣ кард. Аз санаи 23.08.2010 то 03.01.2017 вазифаи декани факултетро н.и.т., дотсент Шамсиев Р.М. ба зимма дошт.  Алҳол, аз 03.01.2017 то имрӯз роҳбарии факултетро н. и. ф.-м., дотсент Эгамов М.Х. ба ӯҳда дорад. Дар тӯли фаъолияти бисерсолаи факултет дар рушди энергетика, мошинсозӣ, металлургия ва сфераи нафту газ ҷиҳати омодасозии мутахассисони соҳавӣ саҳми профессорон: М. Давлатов, Ш. Буходуров; дотсентони кафедраҳо: Р.М. Шамсиев, И.М. Мирзомидинов, М.Х. Эгамов, Н. Сидиков, Х.Ю. Чураева, М.М. Мирзоахмедов, И.Р. Абдуллоев, В.А. Кобилов, В.М. Облокулов ва олимону омӯзгорон беинтиҳост.

Алҳол дар факултет мутахассисони соҳавӣ дар 3 самт тариқи бакалавриат ва 2 самт тариқи магистратура омода карда мешаванд. Таҳти роҳбарии раесати донишкада ва садорат дар факултет курсҳои бозомӯзии роҳбарикунанда ва кадрҳои муҳандисӣ-техникӣ барои ШСХК «Барқи Тоҷик», ҶДММ «Зарафшон», КФ «ХуҷандЗиЛ», ҶСК «СугдПак», ҶДММ «Элегант», ҶСК «Зарнисор» ва дигар ташкилоту корхонаҳои саноатии амалкунандаи ҷумҳуриявӣ ташкил карда шудааст.  Дар факултети электромеханика дар заминаи маблағгузории давлатӣ ва ташкилотҳои соҳавӣ як қатор корҳои илмӣ-тадқиқотӣ иҷро карда мешаванд. Барои иҷроиши ин КИТ тамоми докторантҳо, магистрантҳои таълимгиранда ва донишҷӯени лаёқатноки бакалавриат ҷалб карда шудаанд.

Дар қитъаи хобгоҳи ба факултет мансуб дошта, тамоми шароит барои истироҳат ва зисти донишҷӯен фароҳам оварда шудааст. Дар ҳолати доимӣ ҳуҷраи маърифатнокӣ ва истироҳат амал мекунад, ки дар он тамоми шароит барои зист ва истироҳати донишҷӯен муҳайё аст. Ба таври системанок вохӯрӣ бо ветеранҳо, устодони собиқадор, кормандони мақомоти давлатӣ ва қудратӣ гузаронида мешавад, ки дар он намояндаи кафедраҳо ва садорати факултету раесати донишкада ҳатман иштирок меварзанд.

Дар факултети электромеханика як қатор устодони ҷавон фаъолият карда истодаанд, ки худ хатмкардаи ҳмин донишкада мебошанд. Инҳо: ассистентҳои кафедраи таъминоти барқ Эшов З.С., Хакимбеков С.М.; ассистентҳои кафедраи технологияи мошинсозӣ Дусталиев С.Т., Кенҷаев Ш.А., Холов З.А.; лаборанти кафедраи ФУТ Ёкубов Ф. ва дигарон мебошанд.

Ба профессори кафедраи ФГИ Муллошо Давлатов дар соли 2002 барои дастовардҳои тарбияи устодони ҷавон дар самти педагогика бо унвони «Омӯзгори хизмат нишон додаи ҷумҳурии Тоҷикистон» сарфароз гардонида шудааст. Соли 2016 ба омӯзгори калони кафедраи ФУТ Ш.Ч. Усмонов бо унвони «Аълочии маорифи халқи Чумҳурии Тоҷикистон» ва грамотаи фахрии мақомоти иҷроияи Ҳукумати вилояти Суғд сарфароз гардонида шудааст. Дастпарварони факултет имрӯзҳо дар вазифаҳои баланди ҳукуматӣ, давлатӣ, сиесӣ ва фарҳангии шаҳру вилоят ва ҷумҳурӣ пурсамар фаъолият карда истодаанд. Аз ҷумла, Ш. Нуридинзода – яке аз роҳбарони Шабакаи барқии ш. Бӯстон; К. Рахматзода – раиси ХКМ ш. Бӯстон; З.З. Холиков – раиси шабакаҳои барқии ш. «Исфара» ва амсоли онҳо. Аз соли оғози фаъолият то имрӯз факултети электромеханикаро 1028 нафар донишҷӯёни шӯъбаи рӯзона ва 862 нафар дар шӯъбаи ғоибона хатм намудаанд.

 

Сохтори факултет

Имрӯз факултет фаъолияти шуъбаҳо ва кафедраҳои зеринро муттаҳид месозад:

  • -Шурои олимони факултет;
  • -Шурои илмӣ-методӣ;
  • -садорати факултет;
  • -созмони ҷавонон;
  • -шурои занони факултет;
  • -шурои собиқадорони меҳнат;
  • -кафедраи таъминоти барқ;
  • -кафедраи технологияҳои мошинсозӣ;
  • -кафедраи фанҳои умумитехникӣ;
  • -кафедраи фанҳои гуманитарӣ-иҷтимоӣ;
  • -кафедраи математикаи олӣ ва информатика.

Дар садорати факултет 4 нафар фаъолият мебаранд: декани факултет – Эгамов Мухтор Ҳасанович, муовини декан оид ба таълим – Эшов Зулфон Субҳонович, муовини декани оид ба илм – Ҳомидова Машҳура Исматҷоновна, муовини декани оид ба тарбия – Облоқулов Воҳидҷон Мирзоқулович.

Ҳайати омӯзгориву профессории факултет

Факултети электромеханика потенсиали калони ҳайати профессорону устодони дараҷаи илмӣ доштаро муттаҳид сохтааст, ки дар он 2 доктори илм, профессор; 14 номзади илм, дотсент; 11 омӯзгори калон ва 9 ассистентҳо самаранок меҳнат мекунанд. Коллективи меҳнатии факултет дастуру вазифаҳои супорида шударо дар мӯҳлати муқаррар шуда ва сифатнок иҷро намуда, баҳри сайқал додани раванди таълим, илм ва тарбия   кӯшиш дорад.

 

Корҳои илмӣтадқиқотӣ

Дар кафедраҳои тахассусӣ ва умумидонишкадавии факултет иҷроиши корҳои илмӣ-тадқиқотӣ дар самти фанҳои тахассусии кафедраҳо ва рисолаҳои номзадию доктории устодон ба роҳ гузошта шудааст. Натиҷаҳои тадқиқоти илмӣ дар корхонаҳои саноатию соҳавии кишвар ва берун аз ҷумҳурӣ татбиқ карда шудаанд. Дар иҷроиши КИТ саҳми донишҷӯени лаёқатманд ва магистрантҳо басо назаррас аст, зеро ин дастовардҳо дар кори конференсияҳои байналмилалӣ, ҷумҳуриявӣ ва вилоятӣ баррасӣ карда шуда, ба нашр мерасанд.

 

Раванди таълим

Устодони факултет баҳри омодасозии мутахассисони соҳавӣ раванди таълимро дар алоқамандӣ бо истеҳсолот ба роҳ гузошта, фанҳои тахассусиро аз нигоҳи роҳбарияти корхонаҳои саноатии кишвар ва барномаи давлатии рушди суръатноки саноатикунонии кишвар-ҳадафи чоруми стратегии давлатӣ ба роҳ гузоштаанд. Бо ин мақсад, филиали кафедраҳо дар корхонаҳои саноатии КВД Заводи автобусбарории «ХуҷандЗиЛ» ва НОБ Кайрокум ба номи Дустии халқҳо ташкил карда шуда, донишҷӯен мунтазам машғулиятҳои амалиро дар ин филиалҳо, инчунин дар корхонаи сангтарошии ҶДММ «Элегант»- ш. Бӯстон, ҶСК «Кедр», Корхонаи мошинсозии ш. Бӯстон, ҶСК «СуғдПак» иҷро менамоянд.

 

Маълумот барои довталабон

Ба диққати хатмкунандаҳои мактабҳои таҳсилоти умумӣ, литсей ва коллеҷу техникумҳо! Факултети электромеханикаи донишкадаи куҳӣ-металлургии Тоҷикистон маркази бонуфузи энергетика ва технологияҳои мошинсозӣ ба ҳисоб рафта, аз рӯи ихтисоси 360101-технологияи мошинсозӣ; 3610 01-таҷҳизот ва мошинҳои саноати куҳӣ ва 430103-таъмини корхонаҳои саноатӣ бо барқ мутахассисони соҳавиро омода месозад. Донишҷӯен дар давоми таҳсил дониши назариявӣ ва амалии худро барои такмил додан дар доираи ҳамкориҳои тарафайн ба мактабҳои олии техникии Норвегия, Юнон, Хитой, Федератсияи Русия ва Ӯзбекистон рафта, таҳсили худро идома медиҳанд. Агар хоҳед, ки донишҳои замонавӣ ва технологияҳои муосири инноватсиониро аз худ намуда, дар амалисозии ҳадафи чоруми давлатӣ-саноатикунонии босуръати кишвар саҳмгузор бошед, пас, факултети электромеханикаи Донишкадаи куҳӣ-металлургии Тоҷикистонро интихоб намоед! Рамзи Донишкада – 201 аст!