Дар доираи ҷаласаи ҳамоҳангсозии минтақавии марказҳои Орхусӣ, боздиди шиносоии ҳайатҳои Қирғизистон ва Узбекистон аз Донишкадаи кӯҳӣ-металлургии Тоҷикистон (ДКМТ) баргузор гардид.
Боздид дар доираи Созишномаи ҳудудии амалкунандаи ҳамкорӣ байни ДКМТ ва ТҶ «Гурӯҳи ҷавонон оид ба ҳифзи муҳити атроф» баргузор гардида, ба таҳкими ҳамкорӣ дар самти ҳифзи муҳити зист, рушди устувор ва тайёр кардани мутахассисони баландихтисос равона шуда буд.
Иштирокчиён бо фаъолиятҳои зерин шинос шуданд:
фаъолияти таълимӣ ва илмии донишкада ,
озмоишгоҳҳо ва майдончаҳои муосири таҳқиқоти илмӣ,
дастовардҳои асосӣ дар соҳаҳои геология, экология, истифодаи захираҳои табиӣ ва манбаъҳои барқароршавандаи энергия (МБЭ),
ташаббусҳо оид ба мобилияти академикӣ ва ҳамкории фаромарзӣ.
Дар ҷараёни вохӯрӣ имкониятҳои рушди барномаҳои байналмилалӣ, лоиҳаҳои муштараки илмӣ ва мубодилаи таҷриба байни донишгоҳҳои Осиёи Марказӣ ва Иттиҳоди Аврупо баррасӣ гардиданд.
Чорабинӣ дар доираи лоиҳаи САҲА ва БРСММ таҳти унвони «Ҷалби ҷонибҳои манфиатдор ба ҳалли масъалаҳои мероси уранӣ дар Осиёи Марказӣ (Марҳилаи III)» бо дастгирии молиявии Иттиҳоди Аврупо баргузор мешавад.Чорабинӣ бо ҳамкории Мақомоти иҷроияи ҳокимияти давлатии вилояти Суғд, Раёсати ҳифзи муҳити зисти вилояти Суғд, Донишкадаи кӯҳӣ-металлургии Тоҷикистон ва маъмурияти шаҳри Бӯстон ташкил гардид.
Мирбобоев Ш.Ҷ.
Мудири кафедраи геология ва корҳои нафту газ